Samarqanddan Urumchiga to‘g‘ridan-to‘g‘ri aviareyslar yo‘lga qo‘yilmoqda
16 oktyabrdan Samarqand xalqaro aeroportidan Urumchi shahriga to‘g‘ridan-to‘g‘ri aviareyslar yo‘lga qo‘yiladi.
"China Southern Airlines" aviakompaniyasi Xitoydan Samarqandga parvoz qiladigan birinchi aviatashuvchi bo‘ladi.
Samarqanddan Urumchi shahriga aviareyslar dushanba kuni soat 01:30 da amalga oshirilishi rejalashtirilgan. Urumchi xalqaro aeroportidan Samarqandga parvoz yakshanba kunlari soat 23:20 ga rejalashtirilgan.
Chiptalar sotuvga chiqarilgan, ularni aviakompaniyaning rasmiy veb-saytidan sotib olish mumkin.
