Андроид қурилмалар учун Zarnews.uz мобил иловаси. Юклаб олиш x

Санитария-эпидемиология назорати давлат инспекцияси мансабдор шахсларининг кирдикорлари фош этилди

Бош прокуратура ҳузуридаги Департаментнинг Тошкент вилояти Паркент тумани бўлими томонидан терговга қадар текширув ўтказилди. Унда санитария-эпидемиология назорати давлат инспекцияси Паркент тумани филиали мансабдор шахслари томонидан карантин қоидаларини бузган 86 нафар фуқаронинг қилмишига яраша жарима тайинламаслик, қилмишни истисно этувчи ҳолатлар сифатида расмийлаштириш орқали 397,6 миллион сўмлик давлат манфаатларига жуда кўп миқдорда зарар етказилганлиги аниқланган.

Ҳолат юзасидан ушбу мансабдор шахсларга нисбатан Жиноят кодексининг тегишли моддалари билан жиноят иши қўзғатилди.

Бош прокуратура матбуот хизмати хабарига кўра, тергов ҳаракатлари ўтказилмоқда.