Суриядан қайтарилган ўзбекистонликлар ҳақида ҳужжатли фильм ишланди (видео)

Ёдингизда бўлса, шу йилнинг 30 май куни қуролли тўқнашувлар ҳудудидан махсус рейс билан Ўзбекистоннинг 156 нафар фуқароси қайтарилганди. Ушбу жараёнлар ҳақида махсус ҳужжатли фильм ишланди.

Фильм орқали хотин-қизлар, болалар, бевалар, етимлар ва уларнинг кейинги тақдири, қутқарув операцияси ортида ким турганлиги ҳақида билиш мумкин. Телевидениеда биринчи марта «Ал-Ҳол» масканида тасвирга олинган тезкор кадрлар кўрсатилади. Фуқароларимизнинг қайтарилишини ташкил этган махсус гуруҳ раҳбари билан суҳбат намойиш этилади.

«Меҳр» операцияси» номли мазкур ҳужжатли фильмни 13 сентябрь куни «O‘zbekiston 24» телеканали орқали соат 20:20 да томоша қилишингиз мумкин.