Тетиклаштирувчи ичимлик маҳсулоти маркировкаси талабга жавоб бермаслиги аниқланди
«Ўзстандарт» агентлиги ҳузуридаги Департамент томонидан Тошкент шаҳридаги савдо мажмуаларида сотилаётган “E-ON” тетиклаштирувчи ичимлик маҳсулотининг маркировкаси стандарт талабига асосан ўрганилди.
Ўрганиш жараёнида маҳсулот маркировкаси стандарт талабига жавоб бермаслиги маълум бўлди.
Жумладан, маҳсулот қадоғида импорт қилувчи ташкилотнинг номи ва манзили кўрсатилмаган. Бундан ташқари, маҳсулот давлат тилида тамғаланмаган.
“E-ON” тетиклаштирувчи ичимлик маҳсулоти импортини чеклаш юзасидан Божхона қўмитасига маълумот киритилди.
Шунингдек, «Ўзстандарт» агентлиги ҳузуридаги Департамент томонидан Тошкент шаҳридаги савдо мажмуаларида сотилаётган «ТАЙГА» тетиклаштирувчи ичимлик маҳсулоти ўрганилганда, маҳсулот амалдаги техник мувофиқ эмаслиги аниқланди.
