Тез кунларда “Амир Баҳодир Ялангтўш” мураккаб постановкали тарихий бадиий фильми тақдим этилади

Кинематография агентлиги томонидан Самарқанд вилояти ҳокимлиги билан ҳамкорликда ишлаб чиқарилаётган йирик лойиҳалардан бири -  “Амир Баҳодир Ялангтўш” мураккаб постановкали тарихий бадиий фильмини суратга олиш ишлари якунланди.

Айни вақтда монтаж, графика, ранг устида ишлар жадал олиб борилмоқда. Фильм тўлиқ кинопавильон шароитида суратга олинган илк ўзбек фильмидир.

Фильм ҳозирда ривожланган мамлакатларда кенг қўлланилаётган виртуал продакшн технологияси асосида суратга олинган.