Тилла тақинчоқлар сотиб олиш бўйича дунёда ким етакчи?
Асрлар давомида туғилган кунлар, тўйлар ёки бошқа байрамларда тилла тақинчоқ ёки заргарлик буюмлари совға қилиш анъана сифатида сақланиб келинади. Кўпчилик бундай тақинчоқларни нафақат чиройли, балки келажак авлодларга ўтадиган қадрият ҳам бўла оладиган мукаммал совға деб ҳисоблайди.
Қуйида дунёда энг кўп тилла заргарлик буюмлари истеъмол қиладиган мамлакатлар келтирилган.
Миср - 27,9 тонна
Милоддан аввалги XIII асрдаёқ Мисрда олтин конларининг жойлашуви кўрсатилган биринчи топографик харита яратилган. Мисрликлар олтинни шунчалик севишганки, улар уни “худоларнинг гўшти” деб аташган. Бугунги кунда ҳам мисрликлар бу металлни худди шундай яхши кўришади.
Россия - 30,2 тонна
Сўнгги йилларда Россия Марказий банки ўзмиллий валютасини қўллаб-қувватлашга интилаётганлиги сабабли, мамлакат марказий банкининг ўзи энг йирик олтин харидорларидан бирига айланди. Якка тартибдаги харидорлар ҳам олтинни жуда яхши кўришади ва масалан, 2016 йилда, улар 30,2 тонна заргарлик буюмларини сотиб олган.
Индонезия - 34,2 тонна
Индонезияда жойлашган дунёдаги энг катта машҳур олтин захираларига эга ва энг йирик олтин қазиб олиш лойиҳаларидан бири “Grasberg”да тахминан 18 000 киши ишлайди. Мамлакатда аҳоли нафақат олтин қазиб олиш, балки тилла тақинчоқларни сотиб олишни ва бир-бирларига совға қилиш ҳам одат тусига кириб қолган.
Саудия Арабистони - 38,1 тонна
Саудия Арабистонида узоқ вақтдан бери олтин қуймаларига сармоя киритиш тақиқлаган эди. Бироқ 2016 йил декабрь ойида металга сармоя киритишга рухсат берилгани эълон қилинди.
Туркия - 39,7 тонна
2017 йилда июль ойида Туркия Борса Истанбул қимматбаҳо металлар бозорлари ташкил этилганидан буён (1995 й.) бир ой ичида рекорд миқдорда олтин импорт қилди. Мамлакат ушбу ойда 62,8 тонна олтин сотиб олди, бу эса дунёнинг айрим мамлакатлари марказий банклари олтин захиралари миқдоридан ошиб кетди.
Эрон - 39,7 тонна
2016 йилда Эрон олтин тақинчоқларнинг дунёдаги бешинчи йирик харидорига айланди. Шундан бери бу мамлакат харидлар ҳажмини камайтиргани йўқ. Бутунжаҳон Олтин Кенгаши (WGC) маълумотларига кўра, Эронда олтин тақинчоқлар хариди 2017 йилнинг биринчи уч ойида ўтган йилнинг шу даврига нисбатан 27 фоизга ошган.
БАА - 46,2 тонна
Бутун дунёда “тилла” пойтахти сифатида танилган Дубайга одамлар олтин тақинчоқларни сотиб олиш учун келади. Бу ерда ҳар қандай дидга мос заргарлик буюмларини топишингиз мумкин бўлган 300 дан ортиқ дўконлар ишлайди.
АҚШ - 138,2 тонна
1848-1855 йиллардаги Калифорния олтин васвасаси мамлакатни нафақат машҳур “тилла” давлатга айлантирди, балки жаҳон олтин қазиб олишдаги бурилиш нуқтаси бўлди. Бугунги кунда бу мамлакатда заргарлик буюмларига бўлган иштиёқ юқори даражада қолмоқда, чунки америкаликлар тилла тақинчоқларни тақишни яхши кўришади.
Ҳиндистон - 463,1 тонна
Ҳиндистонликларнинг олтинга бўлган ҳурмати узоқ ўтмишга бориб тақалади. Бугунги кунда ҳинд хонадонларида 24 000 тонна олтин борлиги тахмин қилинади. Ҳиндистонда ҳатто “тилласиз тўй - тўй эмас”, деган гап бор.
Хитой - 612,5 тонна
2016 йилда Хитой бошқа икки мамлакат - Ҳиндистон ва АҚШни бирлаштириб ҳисоблагандан кўра кўпроқ заргарлик буюмларини сотиб олди. Бу мамлакатда ҳашаматли совғаларга пул сарфлайдиган бадавлат одамлар сони ортиб боришининг далолатидир. “McKinsey & Company” таҳлилчиларининг фикрига кўра, 2027 йилга бориб Хитойнинг жаҳон ҳашаматли товарлар бозоридаги улуши 44 фоизини ташкил қилади, унинг бир қисми эса олтин ҳисобланади.
Баҳора Муҳаммадиева тайёрлади.
