Трамп: Украина барча ҳудудини қайтариб олиши мумкин

Кеча Нью-Йорк шаҳрида БМТ Бош Ассамблеяси доирасида Украина президенти Владимир Зеленский билан учрашганидан сўнг АҚШ президенти Дональд Трамп қатор баёнотлар билан чиқди.

У Truth Social ижтимоий тармоғидаги постида шундай ёзди: “Украина Евроиттифоқ ёрдамида Россияга қарши курашиш ва нафақат ўзининг барча тарихий ҳудудларини қайтаришга қодир, балки бундан ҳам ортиғига эришиши мумкин”.

Трамп шунингдек, Россия ва Украина ўртасидаги кенг кўламли уруш яқин вақт ичида тугамаслигини таъкидлади. Унинг айтишича, Россия-Украина урушининг тугашида ҳозирги тараққиёт шундаки, Россия иқтисодиёти жуда ёмон аҳволда, Украина эса катта армияни тўхтатишда жуда яхши натижа кўрсатмоқда.

Президент ҳамма АҚШ Россия-Украина уруши тезда якунланишини башорат қилганини эслатди. Аммо жанглар уч йилдан ортиқ вақтдан бери давом этмоқда ва бу “Россия учун яхши эмас”, деди у.

Журналистлар Путинга бўлган ишончи ҳақида савол берганида, Трамп жавобни бир ойдан кейин беришини билдирди. У шунингдек, президентликка сайланишидан олдин Россия-Украина урушини 24 соатда тўхтатиш ҳақида айтган ваъдасини “киноя” деб атади.

Трамп БМТ трибунасидан Россия Украина билан тинчликка эришмаса, унга қарши янги тарифлар жорий этишини айтди ва Европа давлатларини Россия углеводородларидан воз кечишга чақирди.

Зеленский эса БМТ Хавфсизлик кенгашидаги нутқига қараганда, Россияни тўхтатиш учун Хитойга босим зарурлиги, Хитойсиз Путиннинг Россияси ҳеч нарса эмас деб ҳисоблайди. Шундай фикрни Трамп ҳам билдиради: Россия ва Украина ўртасидаги можаронинг асосий ҳомийлари бу – Ҳиндистон ва Хитой.

Трамп билан учрашувдан сўнг «Fox News»га берган интервьюсида Украина президенти Россия билан тинчлик битими учун ердан воз кечиш ғоясини рад этди: «Биз ҳудудлар билан шунчаки алмаша олмаймиз. Бу адолатсиз, бу нотўғри». Зеленский Трамп позицияси у томонга ўзгарганидан мамнун.

БМТ Бош Ассамблеясининг 80-сессияси 29 сентябрда якунланади.

ОАВ хабарлари асосида Г.Холдорова тайёрлади.