Туркияга бир нечта қизларни фоҳишаликка юбораётган аёл қўлга олинди
Тошкент шаҳар ИИББ терроризм ва экстремизмга қарши кураш бошқармаси одам савдоси ва ноқонуний миграцияга қарши курашиш бўлими ходимлари томонидан қизларни Туркияга фоҳишалик учун жўнатаётган жиноий гуруҳ тўҳтатиб қолинди.
Уч нафар қизни Истанбул шаҳрига фоҳишаликка юбормоқчи бўлган аёл қўлга олинди. У қилган ишидан пушаймонлигини билдирган.
Ҳолат юзасидан унга нисбатан Жиноят кодексининг 135-моддаси 2-қисми “е” банди билан (одам савдоси) жиноят иши очилган. Ҳозирда унинг яна бошқа жиноятларга алоқадорлиги текширилмоқда.
