Умрини Самарқанд кулолчилиги ривожига бағишлаган уста

Шариф Азимов Самарқанд кулолчилиги мактабининг йирик вакили, Ўзбекистон Бадиий академияси ҳақиқий аъзоси.

Моҳир ҳунарманд 55 йилдан буён ушбу ҳунар билан шуғулланиб келади.

Шариф Азимов мактабда ўқиб юрган пайтида, 1970 йилда 15 ёшидан бошлаб Ўзбекистон халқ рассоми Уста Умар Жўрақулов устахонасига келиб, кулолчилик сирларини ўрганишга киришган. Ўшандаёқ у ўз истеъдодини кўрсата олган, кулолчилик тарихини ўрганган, музейларда сақланаётган минг йиллик экспонатларни таҳлил қилган. Бир йил ўтгандан кейин ўз асарларини кўргазмаларда намойиш эта бошлаган.

Уста 2011 йилда “Ташаббус” кўрик-танловининг республика босқичида ғолибликни қўлга киритиб, енгил автомобиль билан тақдирланган, АҚШда ўзбек керамикаси арт-студияси очган, кўзалар ясаб, санъатимизни Америкада тарғиб қилган, кўплаб кўргазмалар ташкил этган.

Шариф ака билан суҳбатимиз у кишининг фаолияти, кулолчилик тарихи ва бугуни ҳақида кечди.