Владивостокда Ўзбекистонлик ишчиларнинг паспортлари иш берувчи томонидан олиб қўйилган: Ўзбекистон консуллиги аралашуви билан ҳужжатлар қайтарилди

Россиянинг Владивосток шаҳридаги Ўзбекистон Бош консуллигига ўзбек меҳнат мигрантлари мурожаат қилиб, иш берувчидан ҳужжатларини олиб беришни сўраган.

Маълум бўлишича, Самарқанд вилоятидан бўлган мазкур фуқаролар 2021 йилда Хабаровск ўлкасида жойлашган "ВентКомплекс" қурилиш корхонасига ишга келиб, шу вақтга қадар ишлаб келган.

Иш берувчи меҳнат мигрантларининг паспортларини вақтинчалик рўйхатга қўйиш учун олиб, қайтариб бермаган.

Шундан сўнг, меҳнат мигрантлари иш жойини ташлаб чиқиб кетган ва Бош консулхонага мурожаат қилган.

Иш берувчи билан олиб борилган музокаралар натижасида фуқароларимизнинг ҳужжатлари олиб берилди ва Владивосток шаҳрида бошқа ишга жойлаштирилди.