Хориж хабарлари: Исроил мудофаа вазири истеъфога чиқиши сабабларини айтилди, Тельавивда намойишлар
🔹 Доналд Трамп сайловдаги ғалабасидан сўнг Флоридадаги тарафдорлари билан мулоқотида урушларни тўхтатмоқчилигини айтди. Трамп унинг иккинчи мандати “Американинг олтин даври” бўлишига ваъда берди. Шунингдек у президентлик пойгасидаги бу натижа АҚШ тарихида ҳеч қачон маълум бўлмаган сиёсий ғалаба экани, йўналишнинг 180 фоизга ривожланиши ва бу америкаликлар ўз мамлакатида назоратни тиклайдиган вақт бўлишини айтди. Шунингдек, Трамп ноқонуний миграцияга қарши курашиш, чегараларни мустаҳкамлаш ва солиқларни камайтириш ниятида.
🔹 ҲАМАСнинг Трампнинг АҚШ президентлик сайловидаги ғалабасига биринчи муносабати. "Биз Трампни Байденнинг хатоларидан сабоқ олишга чақирамиз", деди ҳаракатнинг юқори даражадаги хорижий расмийси Абу Зуҳрий. Шунингдек, у барча урушларни тугатиш нияти ҳали тасдиқланиши кераклигини таъкидлади.
🔹 Биткоин криптовалютаси 75 000 долларгача кўтарилиб, янги рекорд ўрнатди.
🔹 Ливан жанубида Исроилга ракета ҳужумлари учун масъул бўлган "Ҳизбуллоҳ" гуруҳининг минтақавий қўмондони ўлдирилди.
🔹 Россия Давлат Думаси Молдовадаги сайловларни “давлат тўнтариши” деб атади. Эслатиб ўтамиз, 4 ноябрь куни Молдовадаги сайловларда расмий Москва сиёсатига қарши бўлган Санду ғалаба қозонган эди.
🔹 Исроил бош вазири Бинямин Нетаняху томонидан мудофаа вазирининг лавозимидан четлатилишини 2023 йил 7 октябрь воқеаларини тергов қилиш бўйича давлат комиссиясини тузиш, томонидан гаровга олинганларни озод қилиш билан боғлиқ масалалар бўйича келишмовчиликлар билан изоҳлади. Сешанба куни Нетаняху Галантни мудофаа вазири лавозимидан бўшатиб, унинг ўрнига ташқи ишлар вазири Исроил Кацни тайинлашга қарор қилган. Кеча мудофаа вазирлиги раҳбари истеъфога чиққанидан кейин Тель-Авивда норозилик намойишлари бошланган.
🔹 Зеленский Украинадаги ҳарбий ҳолат ва сафарбарликни яна 90 кунга узайтирди.
🔹 Қирғизистон Фаластинни Бирлашган Миллатлар Ташкилотига аъзо бўлишни таклиф қилди. Бу ҳақда республика президенти Садир Жапаров маълум қилган. “Биз Фаластиннинг БМТга тўлақонли аъзо сифатида қўшилиши тарафдоримиз”, - деди Жапаров. Илгари Фаластин давлатини Арманистон тан олган эди.
🔹 Украина Қуролли кучлари бош қўмондони Сирский Киев қўшинларини Курск вилоятидан олиб чиқишга тайёргарлик кўрмоқда. Бу ҳақда Олий Рада депутати Маряна Безуглая маълум қилди. Эслатиб ўтамиз, 2024 йил август ойи бошида Украина Қуролли Кучлари Россия-Украина чегарасини кесиб ўтиб, Курск вилоятида ҳарбий амалиётларни бошлади.
🔹 Тожикистонда Конституция куни нишонланмоқда. Тожикистон Республикаси Конституцияси 1994 йил 6 ноябрда ўтказилган умумхалқ референдумида қабул қилинган.
