Янги автомобилларни харидорларга бериш вақтинчалик тўхтатилади

“UzAuto Motors” АЖ томонидан автомобиллар қолдиқларининг инвентаризация қилиниши муносабати билан 2019 йилнинг 23 декабридан 25 декабригача янги автомобилларни харидорларга бериш вақтинчалик тўхтатилиши ҳақида хабарнома берилган.

Шу билан бирга инвентаризация кунлари давомида дилерлар томонидан автомобиль харид қилиш учун янги шартномаларни тузиш давом этади.

Компания дилерлик марказларида инвентаризация тугагани ҳақида онлайн тартибда хабардор қилиб бориши ҳақида маълум қилган.