Йил бошидан буён 26 та майнинг ферма фош қилинди, улар 29 млн. кВт. электр энергиясидан ноқонуний фойдаланган
Ноқонуний майнинг фаолияти юзасидан ҳуқуқ–тартибот органлари томонидан назорат тадбирлар ўтказилиб келинмоқда.
Бош прокуратура матбуот хизмати берган маълумотга кўра, жорий йилнинг ўтган даврида 26 та ҳолатда 58,2 млрд сўмга тенг бўлган 29 млн кВтли ёки 145 мингта хонадоннинг бир ойлик истеъмол эҳтиёжи учун зарур бўлган электр энергиясини ўғирлаш орқали майнинг фаолиятини амалга оширишганлиги аниқланган.
Унга кўра, 29 нафар шахсларга нисбатан ЖКнинг 169-моддаси (ўғрилик) тегишли қисми билан жиноят ишлари қўзғатилиб, ушбу шахслар процессуал тартибда ушланган.
