Самарқанд шаҳрида ноқонуний “майнинг ферма” ташкил этиб, 794,5 млн сўмлик электр энергиясини ўғирлаган шахс аниқланди

Бош прокуратура ҳузуридаги Департаментнинг вилоят бошқармаси томонидан Самарқанд шаҳрида терговга қадар текширув ўтказилди.

Унда фуқаро С.Н. шаҳарнинг Мирзо Улуғбек кўчасидаги манзилда жойлашган уйининг ертўласида яширин равишда 5 тўпламдаги майнинг крипто-активлари қурилмасини тижорат мақсадида умумий фойдаланишдаги электр тармоғига ўзбошимчалик билан улаб, 794,5 млн сўмлик электр энергиясини ўғирлаганлиги аниқланган.
Мазкур ҳолат юзасидан Жиноят кодексининг 169-моддаси (ўғрилик) ва 278-9-моддаси (майнинг фаолиятини қонунга хилоф равишда амалга ошириш) билан жиноят иши қўзғатилиб, тергов ҳаракатлари ўтказилмоқда.