Термиз аэропортида эркаклар ва аёллар учун намозхона очилди

Термиз халқаро аэропортининг янги терминалида эркаклар ва аёллар учун алоҳида бўлган, барча қулайликларга эга намозхона фойдаланишга топширилган.

Бу ҳақда хабар.уз ёзмоқда.

Сайёҳлик ривожи учун улкан потенциалга эга вилоятда айни вақтда бахшичилик бўйича биринчи фестивал ўтказилмоқда. Шу муносабат билан хориждан кўплаб меҳмонлар ташриф буюрган.

Эслатиб ўтамиз, кеча Термиз халқаро аэропортини Ўзбекистон Президенти Шавкат Мирзиёев кўздан кечиргани хабар қилинган эди.