Termiz aeroportida erkaklar va ayollar uchun namozxona ochildi
Termiz xalqaro aeroportining yangi terminalida erkaklar va ayollar uchun alohida bo‘lgan, barcha qulayliklarga ega namozxona foydalanishga topshirilgan.
Bu haqda xabar.uz yozmoqda.
Sayyohlik rivoji uchun ulkan potensialga ega viloyatda ayni vaqtda baxshichilik bo‘yicha birinchi festival o‘tkazilmoqda. Shu munosabat bilan xorijdan ko‘plab mehmonlar tashrif buyurgan.
Eslatib o‘tamiz, kecha Termiz xalqaro aeroportini O‘zbekiston Prezidenti Shavkat Mirziyoyev ko‘zdan kechirgani xabar qilingan edi.
