4 yoshdan 60 yoshgacha: Oqdaryo velomarafon bo‘lib o‘tdi
Oqdaryo tumanida “Yangi O‘zbekiston yoshlari, birlashaylik!” shiori ostida yoshlar festivali doirasida velomarafon ham tashkil etildi.
Unda 4 yoshli Diyorbek Azzamqulov hamda 60 yoshli onaxon Musallam Turdimurodovalar ham ishtirok etdi va tuman hokimligi tomonidan faxriy yorliq va esdalik sovg‘alari bilan taqdirlandi.
- Tumanning Bobur mahallasida yashayman, - deydi Musallam aya. - Har kuni ertalab velosipedda 5 kilometr masofa bosib Loyish shaharchasiga kelaman. Sut topshirib qaytaman. Shaxsiy avtomobilim ham bor, ammo velosipedda harakatlanishning sog‘liqqa foydasi katta.
