4 ёшдан 60 ёшгача: Оқдарё веломарафон бўлиб ўтди
Оқдарё туманида “Янги Ўзбекистон ёшлари, бирлашайлик!” шиори остида ёшлар фестивали доирасида веломарафон ҳам ташкил этилди.
Унда 4 ёшли Диёрбек Аззамқулов ҳамда 60 ёшли онахон Мусаллам Турдимуродовалар ҳам иштирок этди ва туман ҳокимлиги томонидан фахрий ёрлиқ ва эсдалик совғалари билан тақдирланди.
- Туманнинг Бобур маҳалласида яшайман, - дейди Мусаллам ая. - Ҳар куни эрталаб велосипедда 5 километр масофа босиб Лойиш шаҳарчасига келаман. Сут топшириб қайтаман. Шахсий автомобилим ҳам бор, аммо велосипедда ҳаракатланишнинг соғлиққа фойдаси катта.
