Ayrim AYOQShlarda K5 ekologik sinfiga mos AI-80 rusumidagi import avtobenzini sotuvga chiqarildi

“O‘zbekneftgaz” AJ tomonidan respublika aholisi ehtiyojlarini sifatli avtobenzin bilan ta’minlash maqsadida shu yil yanvar oyida “Tatneft” (Rossiya) kompaniyasi tomonidan ishlab chiqarilgan AI-80-K-5 avtobenzinni import qilish bo‘yicha kelishuvga erishilgan edi, deya xabar berdi "O‘zbekneftgaz" AJ matbuot xizmati.

 Shunga ko‘ra, "TANEKO" zavodidan jami 50 ming tonna AI-80-K-5 rusumdagi avtobenzini yuklab berilgan.

AI-80 avtobenzinga bo‘layotgan talabning ortib borayotganligini hisobga olib, taqchillik, uzilishlar va AYoQShlardagi navbatlarning oldini olish maqsadida bugun, 4 fevral kunidan boshlab "O‘zbekneftgaz" AJ tasarrufidagi AYoQShlar orqali import qilingan AI-80-K-5 rusumli avtobenzin sotuvga chiqarildi.

Ma’lumot uchun: Tovar-xomashyo birjasida AI-80-K-5 rusumli avtobenzinning boshlang‘ich narxi bir tonnasi uchun 7 168,3 ming so‘m, “O‘zbekneftgaz” AJga qarashli AYoQShlarda iste’molchilarga sotiladigan yakuniy narxi bir litri uchun 6 000 so‘mni tashkil etmoqda.