Bosh prokuratura Urganchdagi mehribonlik uyi voyaga yetmagan tarbiyalanuvchilariga jinsiy tajovuz qilgan ikki amaldorga qo‘llanilgan jazoni yengil deb hisoblashini ma’lum qildi
Xabaringiz bor, Xorazm viloyati Urganch shahridagi 1-oilaviy mehribonlik uyining voyaga yetmagan uch nafar tarbiyalanuvchisi oylar davomida jinsiy aloqaga majburlab kelingani haqdagi xabarlar keng jamoatchilikni larzaga soldi.
Xususan, jinoyatchilarga ozodlikdan mahrum etish bilan bog‘liq bo‘lmagan jazo tayinlangani e’tirozlarga sabab bo‘ldi.
Rasmiy idoralar hodisa yuzasidan bayonotlar bilan chiqmoqda. Jumladan, Bosh prokuratura rasmiy bayonotiga ko‘ra, Urganchdagi mehribonlik uyining voyaga yetmagan tarbiyalanuvchilari bilan jinsiy aloqada bo‘lib kelgan ikki amaldorga qo‘llanilgan jazoni yengil deb hisoblab, 29 mart kuni Oliy sudga protest kiritilgan.
