Bunaqasi ilgari bo‘lmagan! Barchaning ballari ochiq e’lon qilinmoqda!

DTMning yana bir innovatsion yangiligi, mandat.dtm.uz saytida barcha abituriyentlarning ballari ochiq va shaffof e’lon qilinmoqda, deb yozmoqda huquqshunos Xushnudbek Xudoyberdiyev  telegram kanalida.

Ya’ni, siz o‘z yo‘nalishingizni tanlab, sizning raqiblaringiz necha ball olganini, siz nechanchi o‘rinda turganingizni, kirish uchun imkoniyatlaringiz qay darajada ekanligini mandatni kutib o‘tirmasdanoq bilishingiz mumkin.

Ushbu saytda barcha abituriyentlarning ism-familiyasi, test topshirgan kuni hamda ballari ko‘rsatilmoqda.

Abituriyentlar juda ko‘p berayotgan savollardan biri, o‘zimizning balimizni ertasi kuni bilyapmiz, ammo qolganlarning balini bilmaymizku, toki mandat chiqqungacha DTMda o‘zgartirib qo‘ymasligiga kim kafolat beradi, degan mazmunda edi.

Mana, shaffoflik so‘raganmidingiz, oling o‘sha shaffoflikni, deyiladi xabarda.