Dunyoda koronavirus bilan kasallanganlar soni qariyb 58 millionga yetdi

Jahon sog‘liqni saqlash tashkiloti ma’lumotlariga ko‘ra, dunyoda koronavirus infeksiyasini yuqtirganlar soni 57 million 882 mingdan ortiqni tashkil etmoqda, shundan 1 million 377 mingdan ziyod kishi vafot etgan.

Jons Xopkins universitetining ma’lumotlariga ko‘ra, dunyoda kasallikni 58 million 649 mingdan ortiq odam yuqtirgan, ulardan 1 million 388 mingdan ortig‘i vafot etgan.

Kasallik tasdiqlangan holatlar bo‘yicha AQSh birinchi o‘rinda turibdi. JSST ma’lumotlariga ko‘ra, u yerda 11,789 milliondan ortiq koronavirus infeksiyasini yuqtirganlar aniqlangan. Ikkinchi o‘rinda Hindiston (9,095 milliondan ortiq), uchinchi o‘rinda Braziliya (6,020 milliondan ortiq), to‘rtinchi o‘rinda Fransiya (2 089 353), beshinchi o‘rinda Rossiya (2 089 329).