El ko‘nglidagi orzu-umidlar
Samarqand davlat universitetida O‘zbekiston yoshlar ittifoqi viloyat kengashi tashabbusi bilan o‘tkazilgan davra suhbatida yoshlar ittifoqi yetakchilari oldiga shunday vazifa qo‘yildi.
Tadbirda SamDU professori F.Nabiyev, yoshlar ittifoqi viloyat kengashi raisi R.Qobilov, jinoyat ishlari bo‘yicha viloyat sudi sudyasi Sh.Sharipov Prezident Murojaatnomasining maqsadi va unda qo‘yilgan vazifalar haqida yoshlarga tushuncha berdi.
***
Markaziy bankning viloyat bosh boshqarmasida o‘tkazilgan tadbirda viloyatdagi tijorat banklari hamda ularning tuman va shaharlardagi filiallari mutasaddilari ishtirok etdi.
Viloyat hokimligi axborot-tahlil guruhi rahbari O‘.Hamroqulov, Samarqand davlat universiteti professori F.Nabiyev Murojaatnomada belgilangan davlat va jamiyat qurilishi tizimini takomillashtirishning ustuvor yo‘nalishlari, ularni amalga oshirish mexanizmlari haqida so‘z yuritdilar.
***
Samarqand shahridagi 37-umumta’lim maktabida tashkil etilgan ana shunday tadbirda viloyat hokimining o‘rinbosari, xotin-qizlar qo‘mitasi raisi M.o‘afurova, Samarqand qishloq xo‘jalik instituti o‘qituvchisi J.Sayfiddinova, TATU Samarqand filiali o‘qituvchisi M.Karimov ta’lim muassasalarida xotin-qizlar bilan ishlash tizimida yangicha yondashuvlarni o‘zlashtirish, o‘quvchilarni bugungi islohotlardan xabardor qilish orqali jamiyatdagi faolligini oshirish lozimligini ta’kidladilar.
***
Toyloq tumanidagi Uzunqishloq, Nurafshon mahallalarida o‘tkazilgan tadbirlarga ziyolilar, mehnat faxriylari hamda yoshlar taklif etildi.
Samarqand iqtisodiyot va servis instituti o‘qituvchilari, tuman faollari Murojaatnoma Vatanimizning porloq istiqbolini belgilab bergan hujjat ekanligini ta’kidladi.
***
Bulung‘ur tumanidagi Xo‘jamazgil mahallasidagi targ‘ibot tadbirida fuqarolarning mavjud muammolar xususidagi fikr-mulohazalari ham tinglandi.
Mahalladagi maktabda sinfxonalarning yetishmasligi, hududdagi ayrim yo‘llarning nosozligi, aholi uchun mo‘ljallangan do‘konda un mahsulotlarining kamligi, bori esa tijorat narxlarida sotilayotgani tanqid qilindi.
G‘ofur BAXTIYoROV,
Olim SONNIBOYeV.
