Futbol, "Yevro-2024": Bugun nimchorak final o‘yinlari boshlanadi
Futbol bo‘yicha Germaniya yashil maydonlarida o‘tkazilayotgan Yevropa chempionati bahslarining pley-off o‘yinlari bugun, 29 iyundan boshlanadi. Kun davomida muxlislar 2 ta o‘yinni tomosha qiladi.
Mazkur bosqichda “A” guruhida 2-o‘rinni egallagan Shveysariya terma jamoasi “B” guruhida 2-o‘rinni band etgan Italiya terma jamoasi bilan bahs olib borsa, mezbon Germaniya “C” guruhida 2-o‘rin bilan pley-off bosqichiga chiqqan Daniya terma jamoasi bilan kuch sinashadi.
Ma’lumot uchun, Shveysariya-Italiya o‘yini Toshkent vaqti bilan soat 21:00 da, Germaniya-Daniya uchrashuvi soat 23:59 da start oladi. Shveysariya-Italiya juftligi g‘olibi chorak finalda Angliya-Slovakiya bahsida yutgan terma jamoa bilan to‘qnash keladi. Germaniya-Daniya bahsi g‘olibi esa keyingi bosqichda Ispaniya-Gruziya qarama-qarshiligida zafar quchgan terma bilan bahs olib boradi.
Nimchorak final juftliklari
29 iyun, shanba
21:00 Shveysariya — Italiya
23:59 Germaniya — Daniya
30 iyun, yakshanba
21:00 Angliya — Slovakiya
23:59 Ispaniya — Gruziya
1 iyul, dushanba
21:00 Fransiya — Belgiya
23:59 Portugaliya — Sloveniya
2 iyul, seshanba
21:00 Ruminiya — Niderlandiya
23:59 Avstriya — Turkiya
