G‘afur G‘ulomning «Shum bola» asari BBC’ning «Barcha davrlarning 100 ta eng buyuk bolalar kitoblari» ro‘yxatiga kiritildi

Ushbu ro‘yxatni shakllantirish uchun 56 mamlakatdan tanlab olingan 177 ekspertga «Barcha davrlarning eng yaxshi bolalar adabiyotlariga qaysi asarlar kiradi?» deya savol berilgan. Ular o‘z tanlovi bo‘yicha 10 ta eng yaxshi bolalar kitobi ro‘yxatini tuzgan.

BBC’ning umumiy ro‘yxatda «Shum bola» 73-o‘rinni egalladi.

G‘afur G‘ulomning bolaligi, XX asr boshidagi Toshkent hayoti tasvirlangan «Shum bola» qissasi 1936 yilda yozilgan. Qissada shum bola Qoravoy haqida hikoya qiladi. Qoravoy uyidan ketib qolib, o‘zining topqirligi, zukkoligi, sho‘x-shaddodligi tufayli turli sarguzashtlarni boshidan kechiradi.