GM Uzbekistan Tracker Premier AT avtomobiliga chegirma e’lon qildi
GM Uzbekistan Yoshlar kuni munosabati bilan Tracker Premier AT avtomobiliga 21 foizli chegirma e’lon qildi. Bu haqda kompaniyaning rasmiy saytida ma’lum qilindi.
Unga ko‘ra, xaridorlar endilikda Tracker Premier AT avtomobilini 21 foizli chegirma bilan 215 680 575 so‘m o‘rniga 170 million so‘mga xarid qilishi mumkin.
Aksiya 2 iyuldan boshlab 10 kun davomida amal qiladi.
"Kompaniya xaridorlarga avtomobil xaridi jarayonida qulayliklar yaratish hamda taqdim etilayotgan mahsulotlar hamda xizmatlar sifatini oshirish borasidagi faoliyatini davom ettiradi", - deyiladi xabarda.
