Hafta oxirida issiq havo pasayadi
"O‘zgidromet" xabariga ko‘ra, bugun va haftaning katta qismida respublika hududlari bo‘yicha asosan kam bulutli ob-havo bo‘ladi.
Havo harorati kechalari +18…+23 daraja, kunduz kunlari +33…+38 daraja atrofida bo‘ladi.
12 va 13 avgust kunlari Qozog‘iston orqali Ural hududidan O‘zbekiston hududiga nisbatan salqin havo kirib keladi. Osmonda bulutlar paydo bo‘ladi, lekin yomg‘ir yog‘ish ehtimoli kam.
Respublika bo‘yicha ba’zi joylarda shamol 15−20 m/s gacha kuchayadi. Kechalari havo harorati o‘zgarmaydi, kunduz kunlari +30…+35 darajagacha pasayadi va iqlimiy me’yorga yaqinlashadi.
