Hafta so‘ngida O‘zbekistonga nam va salqin havo kirib keladi

"O‘zgidromet" xabariga ko‘ra 11 iyun kuni O‘zbekiston hududiga Kavkaz hududlaridan biroz nam va nisbatan salqin havo kirib keladi.

11 iyunda Qoraqalpog‘istonda, Xorazm, Buxoro, Navoiy viloyatlarida, 11-12 iyunda esa Toshkent, Samarqand, Jizzax, Sirdaryo viloyatlarida va Farg‘ona vodiysi viloyatlarining ba’zi joylarida qisqa muddatli yomg‘ir yog‘adi, momaqaldiroq bo‘lishi mumkin.

10-12 iyunda respublikaning ayrim joylarida shamol tezligi soatiga 17-22 m/s gacha kuchayishi va chang-to‘zonlari kuzatilishi mumkin.

Respublikaning tog‘ oldi va tog‘li hududlarida 10-14 iyun kuni vaqti-vaqti bilan qisqa muddatli yomg‘ir yog‘adi, momaqaldiroq bo‘ladi, sel-suv toshqin hodisalari yuzaga kelishi mumkin. Ayrim joylarda do‘l yog‘ishi ehtimoli bor.

Kunduzi havo harorati asta-sekin pasayadi va 12 iyunga kelib +31...+33 darajani tashkil etadi.