Haydovchi uxlab qolgani oqibatida ro‘y bergan YTHda uch kishi halok bo‘ldi
Oqdaryo tumanida "Buxoro—Samarqand" yo‘nalishida harakatlanib kelayotgan "Lacetti" haydovchisi yo‘lda uxlab qolgan va yo‘l-transport hodisasi sodir bo‘lgan. Oqibatda 3 kishi halok bo‘lgan.
Qayd etilishicha, M-37 avtomobil yo‘lining 44-kilometrida harakatlanib kelayotgan "Lacetti" yo‘lning o‘ng tarafida to‘xtab turgan yuk mashinasining orqasiga kelib urilgan.
Hodisa oqibatida "Lacetti" haydovchisi va ikki yo‘lovchi voqea joyida vafot etgan. Bir yo‘lovchi shifoxonaga yotqizilgan.
Holat yuzasidan jinoyat ishi qo‘zg‘atilib, dastlabki tergov harakatlari olib borilmoqda.
