Jomboyda oziq-ovqat sanoati texnoparki tashkil etiladi
Prezidentimizning 2024 yil 16 fevraldagi “Respublikada oziq-ovqat xavfsizligini ta’minlashning qo‘shimcha chora-tadbirlari to‘g‘risida”gi farmoniga asosan Jomboy tumanida “Juriyat” kichik sanoat zonasi negizida oziq-ovqat sanoati texnoparki tashkil etiladi.
Tadbirkorlik sub’yektlari uchun bu yerda bevosita va raqamli xizmatlar ko‘rsatish tizimi joriy qilinadi.
Xalqaro va mahalliy mutaxassislarni jalb etgan holda yoshlarni kasbga hamda oziq-ovqat mahsulotlarini mustaqil tayyorlashga o‘rgatish maydonchasi tashkil etiladi.
