Munosabat: "Hududgaz Samarqand" gaz ta’minoti filiali Sardoba mahallasiga suyultirilgan gaz yetkazish boshlanganini ma’lum qildi

Biroz oldinroq saytimizda “Paxtachidan bong: “Suyultirilgan gaz berishganiga ikki oy bo‘ldi, gaz ta’minoti mutasaddilarining esa “va’dalar qopi” hamon bo‘shagani yo‘q” sarlavhali xabar e’lon qilingan edi.

Holat yuzasidan "Hududgaz Samarqand" gaz ta’minoti filiali munosabat bildirdi.

Unga ko‘ra, Paxtachi tumani Sardoba mahallasida 834 ta aholi xonadonlari suyultirilgan gazdan foydalanadi. “Paxtachitumangaz” gaz ta’minoti bo‘limi tomonidan Sardoba mahallasi aholisiga 20 yanvardan buyon 800 dona gazballon tarqatilgan. Qolgan xonadonlarga ertaga, 31 yanvar kuni suyultirilgan gaz to‘liq yetkazib beriladi.