Naqd pul aylanmasi hajmi oshgani ma’lum qilindi
Markaziy bank tomonidan 2023 yil yanvar-iyun uchun "Naqd pul muomalasi bo‘yicha qisqacha sharh" tayyorlandi.
Unga ko‘ra, 2023 yil yanvar-iyun oylarida banklar orqali naqd pul aylanmasi hajmi 369,7 trln. so‘mni tashkil etgani holda, 2022 yilning mos davriga nisbatan 16,9 foizga oshgan.
Jumladan, banklarga naqd pul tushumlari o‘tgan yilning shu davriga nisbatan 19,8 foizga o‘sib, 182,4 trln. so‘mni tashkil qildi.
2023 yil 6 oyida bank kassalaridan (shu jumladan, bankomatlardan) berilgan naqd pullar 2022 yil mos davriga nisbatan 14,2 foizga ko‘paydi va 187,3 trln. so‘mni tashkil etdi.
