Narpayda ilk bor “Kabob sayli” o‘tkazildi

Samarqand viloyati hokimining 2019 yil 5 martdagi “2019 yilda Samarqand viloyati sayyohlik salohiyatini oshirish va turizm infratuzilmasini yanada rivojlantirish bo‘yicha Yo‘l xaritasi nazorat rejasi”da berilgan topshiriqlar ijrosini ta’minlash maqsadida Narpay tuman hokimligi tashabbusi bilan Oqtosh shahri istirohat bog‘ida “Kabob sayli” o‘tkazildi.

Ilk bor o‘tkazilayotgan saylda  50 nafar oshpazlar tomonidan turli xildagi kaboblar va milliy taomlarimiz tayyorlandi.

Mazkur tadbirda qo‘shni viloyatlardan ham mehmonlar kelib, tumanimizning milliy an’ana va odatlaridan, o‘yinlarimizdan bahramand bo‘lishdi. San’atkorlar tomonidan kuylangan kuy-qo‘shiqlar va sahna ko‘rinishlari barchaning e’tiborini tortdi.

Xurshid GADOYEV.