“Navoiy kon-metallurgiya kombinati jamg‘armasi” davlat muassasasi “Nurobod” hududiy boshqarmasi direktori viloyat Kengashi deputati bo‘ldi
Bu haqda viloyat saylov komissiya Zarnews.uzga xabar berdi.
Xabarda qayd etilishicha, 9 yanvar kuni xalq deputatlari viloyat Kengashining bo‘shab qolgan deputatlik o‘rni uchun saylov bo‘lib o‘tgan. Ovoz berish jarayonida 30 502 nafar saylovchi yoki ro‘yxatga olinganlarning 70,2 foizi qatnashgan.
Yakuniy natijalarga ko‘ra, 40-Ulus saylov okrugidan saylangan Muratov Anvarjon Himoyatovich deputat sifatida ro‘yxatga olingan.
Ma’lumotlarga ko‘ra, O‘zbekiston Liberal-demokratik partiyasi a’zosi bo‘lgan A.Muratov “Navoiy kon-metallurgiya kombinati jamg‘armasi” davlat muassasasi “Nurobod” hududiy boshqarmasi direktori sifatida faoliyat olib boradi.
