O‘zLiDeP faoliyatidan

Partiyaning Jomboy tuman kengashi tashabbusi bilan tumandagi "Xo‘ja T" baliqchilik fermer xo‘jaligida o‘tkazilgan uchrashuvda baliq chavoqlarini takror ko‘paytirish, tabiiy suv havzalari va sun’iy ko‘llardan oqilona foydalanish, baliq yetishtirish jarayoniga ilmiy asoslangan usullar, intensiv texnologiyalarni joriy etish tajribalari muhokama etildi.
Shuningdek, Jomboy qishloq xo‘jalik kasb-hunar kollejida bo‘lib o‘tgan tadbirda o‘quvchilarni kasb-hunarga yo‘naltirish, qobiliyat va qiziqishi asosida ta’limning keyingi bosqichiga jalb etish borasidagi vazifalar yuzasidan fikrlar almashildi. 
* * *
Partiyaning Past Darg‘om tuman kengashi "Ayollar qanoti" tomonidan Past Darg‘om agrosanoat kasb-hunar kollejida "Xotin-qizlar o‘rtasida kasanachilik faoliyatini rivojlantirishda mahallaning roli" mavzusida davra suhbati tashkil etildi.
Unda tumanda milliy hunarmandchilikni rivojlantirish yo‘nalishidagi oilaviy korxonalarni imtiyozli kreditlar bilan ta’minlash ko‘lamini kengaytirish, bugungi kun talabiga javob beradigan, unutilgan ayrim xizmat turlarini tiklash, aholi o‘rtasida kasanachilik faoliyatini kengaytirish masalalari muhokama qilindi.

Bektosh ShODIYeV.