Odam urib yuborgan haydovchi ushlandi

Kecha 28 mart kuni soat 07:00 da Urgut-Jartepa avtomobil yo‘lining Jayratepa mahallasidan o‘tuvchi qismida noma’lum avtomashina ushbu mahallada yashovchi, 1962 yilda tug‘ilgan fuqaro G.Jumanovani urib yuborib, yo‘l-transport hodisasini sodir etgan va voqea joyidan yashiringan. Jabrlanuvchining qattiq zarbdan tos suyagi sinib, og‘ir tan jarohati bilan tuman shifoxonasiga yotqizilgan.

Yo‘l harakati xavfsizligi Urgut tuman bo‘limi inspektori U.Abduxalimov olib borilgan tezkor surishtiruv ishlari natijasida yo‘l transport hodisasini mazkur tumanning Qoldivayjar mahallasida istiqomat qiluvchi 1980 yilda tug‘ilgan fuqaro I.Islomov o‘z boshqaruvidagi VAZ-2105 rusumli avtomashinasida sodir etgani aniqlandi.

Hozirda holat yuzasidan tergov-surishtiruv ishlari olib borilmoqda.