Ishtixon tumanida yaroqsiz ahvolga kelib qolgan eski ko‘cha joriy ta’mirlanmoqda

Ayni kunlarda Ishtixon tuman yo‘llardan foydalanish unitar korxonasi tomonidan mahalliy ahamiyatdagi 4n 548 "Ko‘tarma-Ravot-Tangitepa" yo‘lida joriy ta’mirlash ishlari olib borilmoqda. Mazkur yo‘nalishdagi yo‘lning 6 km. qismiga asfalt yotqizilishi rejalashtirilgan. Joriy ta’mirlash ishlariga 890.0 mln. so‘m mablag‘ ajratilgan.

– Mazkur hududdagi yo‘llar ancha eskirib, yaroqsiz ahvolga kelib qolgan edi, – deydi Ishtixon tuman yo‘llardan foydalanish unitar korxonasi bo‘lim boshlig‘i Hamza Nosirov. – Ayni paytda olib borilayotgan joriy ta’mirlash aholining yo‘lda harakatlanishi, ayniqsa kuz-qish mavsumida harakatlanishdagi noqulayliklarni bartaraf etadi.

Ishtixon tuman hokimligi axborot xizmati.