O‘zbek multfilmlari xalqaro festival sovrindori
29 oktyabr - Xalqaro animatsiya kuni munosabati bilan Qozog‘iston Respublikasining Turkiston shahrida “AMEN-2021” (International Animation Film Festival) an’anaviy xalqaro animatsion filmlar festivali bo‘lib o‘tdi.
Kinematografiya agentligi axborot xizmatining ma’lum qilishicha, festivalda 49 ta davlat ishtirok etdi.
Mazkur festivalda rejissyor Aziz Muhammedovning “G‘ildirakli uy” animatsiyasi festivalning “Gran-pri” bosh sovrini bilan, “Sehrli tanbur” animatsiyasi “Eng yaxshi badiiy yechim” nominatsiyasi bo‘yicha mukofotlandi.
Ma’lumot uchun, festival 2019 yildan buyon o‘tkaziladi. Unda animatsion filmlar namoyishlari bilan birga, davra suhbatlari, ijodiy uchrashuvlar, mahorat darslari va ijodiy tanlovlar bo‘lib o‘tadi.
