Panjikentlik talabalar Samarqandda kuch sinashdi
Samarqand davlat chet tillar institutida 9 may – Xotira va qadrlash kuni oldidan sportning voleybol va armrestling turi bo‘yicha xalqaro o‘rtoqlik musobaqasi tashkil etildi.
Unda Tojikiston Respublikasining Panjikent pedagogika instituti va Samarqand davlat chet tillar instituti talaba-sportchilari g‘oliblik uchun bellashdi.
O‘rtoqlik uchrashuvida sportning armrestling turida mehmonlar ustun kelgan bo‘lsa, voleybolda durang natija qayd etildi.
– Mazkur musobaqani o‘tkazishdan asosiy maqsad, avvalo, ikki xalq o‘rtasidagi aloqalarni mustahkamlash, shu bilan birga yoshlarning sportga bo‘lgan qiziqishini yanada oshirishdir, – deydi institut prorektori Otabek G‘aybullayev.
