Paxtachida yo‘lovchi avtobus va "Jiguli" to‘qnashishi natijasida 2 kishi xalok bo‘ldi
Kecha, 10 yanvar kuni soat 13:30 larda "ZHONGTONG BUS" rusumli yo‘lovchi avtobusi Paxtachi tumani hududidagi yo‘lda Samarqand tomonga boshqarib kelayotgan vaqtida, "VAZ-21013" rusumli avtomashina uning yo‘liga chiqib ketishi natijasida yo‘l-transport hodisasi sodir bo‘lgan.
Natijada, VAZ-21013 haydovchisi va shu mashina salonidagi yo‘lovchi olgan tan jarohatlari tufayli vafot etgan. Mashinadagi uch nafar yo‘lovchi tan jarohati bilan tuman markaziy shifoxonasiga yotqizilgan.
Viloyat IIB matbuot xizmati xabariga ko‘ra, holat yuzasidan Paxtachi tuman IIB huzuridagi TB tomonidan JKning 266-moddasi 3-qismi «a» bilan jinoyat ishi qo‘zg‘atilib, dastlabki tergov harakatlari olib borilmoqda.
