Payariqda suvga cho‘kib ketgan bolani mahalladoshlari ham izlamoqda
Payariq tumanidagi Tomoyrot mahallasida yashovchi 9-sinf o‘quvchisi Sh. Bektemirov shu hudud yaqinidagi Oqdaryoga cho‘milishga borib, uyiga qaytib kelmadi.
Voqea 13 iyun kuni sodir bo‘lgan. Mana, uch kechayu uch kunduz qishloq ahli favqulodda vaziyatlar boshqarmasi xodimlari bilan bir bo‘lib, hamqishlog‘ini qidirmoqda. Hozircha natija yo‘q.
Ogoh va hushyor bo‘laylik. Sababi, bu kabi noxush xabarlar yoz mavsumi boshlangandan beri kunda bo‘lmasa-da, kunora ommaviy axborot vositalari orqali berib borilyapti. Belgilanmagan joylarda cho‘milish xavfliligini farzandlarimizga tushuntiraylik, oila davrasida takrorlashdan erinmaylik.
