Piyozning inson tanasiga qanchalik foydali ekanini bilasizmi?
Garchi kesgan paytimizda piyoz bizni yig‘latsa-da, tanamizga kirgan zahoti vaziyat bir zumda o‘zgaradi. Har kuni iste’mol qilingan piyoz sog‘lig‘imizni mustahkamlovchi vitamin va ozuqaviy moddalarga boy ajoyib taomdir. Keling, bu sabzavotning ajoyib xususiyatlari bilan tanishamiz.
Ovqat hazm qilish tizimini yaxshilaydi
Biriktiruvchi to‘qimaga boy piyoz turli sabablarga ko‘ra sekinlashgan ovqat hazm qilish jarayonini tezlashtiradi. Bundan tashqari ushbu mahsulot ichaklarga ijobiy ta’sir ko‘rsatadigan “foydali bakteriyalar”ning hosil bo‘lishiga yordamlashadi.
Og‘iz bo‘shlig‘i va ko‘zlar salomatligi uchun foydali
Og‘izdagi zararli bakteriyalarni o‘ldirish orqali piyoz tabiiy ravishda og‘iz gigiyenasini himoya qiladi, uning mikroblarga qarshi xususiyati tishlarni mustahkamlashda yordam beradi. Piyoz tarkibidagi mavjud “kversetin” moddasi kataraktaga qarshi kurashadi.
Xolesterinni kamaytiradi va yurakka quvvat beradi
Yallig‘lanishga qarshi xususiyatlarga ega piyoz yomon xolesterin darajasini pasaytiradi. Past xolesterin esa yurak-qon tomir kasalliklari rivojlanish xavfini kamaytiradi va yurak salomatligini mustahkamlaydi.
Hujayralar shikastlanishining oldini oladi
Piyozda tana uchun foydali 25 xil antioksidantlar mavjud. Bu antoksidantlar nafaqat bizni ba’zi kasalliklardan himoya qiladi, balki hujayralar shikastlanishining oldini oladi.
Yaxshi uyquni ta’minlaydi
Kolorado universiteti tomonidan olib borilgan tadqiqot piyoz iste’mol qilish uyqu sifatini yaxshilashi mumkinligini ko‘rsatdi. Uning tarkibida ichak sog‘lig‘ini qo‘llab-quvvatlaydigan va shu bilan birga stress darajasini yengillashtiradigan tolalar mavjud.
Yoshga bog‘liq o‘zgarishlar bilan kurashadi, terini tiklaydi
A, S, va Ye vitaminlarga boy piyoz sizning toza va mukammal teri egasi bo‘lishingiz ko‘makdoshi bo‘ladi.
Ba’zi o‘simliklar teridagi shikastlangan joylarni davolash qobiliyatiga ega va piyoz ularning biridir. Piyozning ichki qismi husnbuzar, yara yoki chandiqqa qo‘yilsa, yaralar bitib ketish hollari qayd etilgan.
Bahora tayyorladi.
