Poytaxtdagi 6-tug‘ruqxona karantinga olindi
Avval ma’lum qilganimizdek, bugun AOKA shtabida Bosh davlat sanitariya inspektori Nurmat Atabekov ishtirokida brifing bo‘lib o‘tdi.
Unda Toshkent shahridagi 6-tug‘ruqxona karantinga yopilgani ma’lum qilindi.
– Bemor bilan muloqotda bo‘lgan bir kishida koronavirus aniqlandi. Shuning uchun tug‘ruqxona majmuasi 14 kunga karantinga butunlay yopildi.
Barcha bemorlar, tuqqan ayollar, bolalar va personal tibbiy kuzatuvga olinadi. 14 kunlik karantindan keyin tug‘ruqxona personali, mijozlari, bolalar orasida koronavirus infeksiyasi yo‘qligi aniqlansa, karantin bekor qilinadi, - dedi Nurmat Otabekov.
