Пойтахтдаги 6-туғруқхона карантинга олинди
Аввал маълум қилганимиздек, бугун АОКА штабида Бош давлат санитария инспектори Нурмат Атабеков иштирокида брифинг бўлиб ўтди.
Унда Тошкент шаҳридаги 6-туғруқхона карантинга ёпилгани маълум қилинди.
– Бемор билан мулоқотда бўлган бир кишида коронавирус аниқланди. Шунинг учун туғруқхона мажмуаси 14 кунга карантинга бутунлай ёпилди.
Барча беморлар, туққан аёллар, болалар ва персонал тиббий кузатувга олинади. 14 кунлик карантиндан кейин туғруқхона персонали, мижозлари, болалар орасида коронавирус инфекцияси йўқлиги аниқланса, карантин бекор қилинади, - деди Нурмат Отабеков.
