Samarqand davlat universiteti huzuridagi aniq va tabiiy fanlarga ixtisoslashtirilgan maktab 7-sinfga tanlov asosida o‘qishga taklif etadi
Umumta’lim maktablarining 6-sinf bitiruvchilari va ota-onalari diqqatiga!
Siz Samarqand davlat universiteti huzuridagi aniq va tabiiy fanlarga ixtisoslashtirilgan maktabda ta’lim olish istagidamisiz? Unda marhamat!
SamDU huzuridagi aniq va tabiiy fanlarga ixtisoslashtirilgan maktabi 2020/2021 o‘quv yili uchun umumta’lim maktablarining iqtidorli 6-sinf bitiruvchilarini aniq (fizika-matematika) va tabiiy (kimyo-biologiya) fanlar yo‘nalishida 7-sinfga tanlov asosida o‘qishga qabul qiladi. Tanlov ikki bosqichda bo‘lib o‘tadi. Birinchi bosqich onlayn test 100 ballik tizimda aniq fanlar yo‘nalishi bo‘yicha fizika va matematika fanlaridan, tabiiy fanlar yo‘nalishi bo‘yicha matematika va biologiya fanlaridan tuzilgan savollar asosida o‘tkaziladi. Ushbu testdan 60 va undan yuqori ball to‘plagan o‘quvchilar ikkinchi bosqichga ishtirok etish huquqini qo‘lga kiritadi. Ikkinchi bosqich sinovlari yozma shaklda o‘tkazilishi rejalashtirilgan bo‘lib, qachon va qanday tartibda o‘tkazilishi mamlakatimizdagi karantin holatini hisobga olgan holda qo‘shimcha e’lon qilinadi.
Ishtirokchilar testda telegramdagi @samdumaktab_bot yoki
👉 Aniq fanlar yo‘nalishi;
👉 Tabiiy fanlar yo‘nalishi havolalari orqali qatnashadi.
Onlayn testlar 2020 yilning 12 iyunidan 30 iyuniga (shu kuni ham) qadar bo‘lib o‘tadi.
Batafsil ma’lumotlarni t.me/samdumaktab_test telegram kanali yoki sahifasi orqali olishlari mumkin.
Qo‘shimcha ma’lumotlarni +998662324164, +998979260173, +998995903127, +998906558758 (aloqa bo‘lmay qolgan vaqtlarda telegram orqali) telefon raqamlari orqali olishingiz mumkin.
Manzil: Samarqand shahri, Dahbed ko‘chasi 45-uy.
Mo‘ljal: Sobiq bank kolleji binosi.
Shoshiling, fursatni qo‘ldan boy bermang!
Reklama
