Samarqand davlat universitetida mobil targ‘ibot guruhlari tashkil etildi.

Тарғибот гуруҳи Самарқанд давлат университети ёшлар иттифоқи бошланғич ташкилоти қошида ташкил этилган бўлиб, ўз вазифаларини амалга оширишда Ички ишлар органлари, Миллий гвардия ва Мудофаа вазирлиги ҳарбий хизматчилари, Маҳалла фуқаролар йиғини раислари, “Маҳалла посбони” жамоатчилик тузилмаси аъзолари, ёшларнинг жамоатчилик патрул гуруҳлари билан ҳамкорлик қилади. 

Мобил тарғибот гуруҳларининг асосий мақсади талаба-ёшлар орасида маънавиятни юксалтириш, уларнинг бўш вақтини мазмунли ташкил этиш, талабалар турар жойлари ва ётоқхоналарининг осойишталиги ва хавфсизлигини таъминлаш, жамоат тартибини сақлаш, ижтимоий тармоқларда тарқалаётган ахборот хуружларига қарши курашишдан иборат.