Samarqand davlat universitetida xalqaro konferensiya o‘tkazildi
Xalqaro psixologiya fanlari akademiyasi bilan hamkorlikda o‘tkazilgan “XXI asr psixologiyasi: muammolar, yutuqlar, innovatsiyalar” mavzusidagi anjumanda Rossiya, Qozog‘iston, Belorussiya, Ozarbayjon davlatlaridan 30 ga yaqin nufuzli olimlar ishtirok etdi.
Anjumanni o‘tkazishdan asosiy maqsad xalqaro aloqalarni rivojlantirish, psixologik dolzarb tadqiqotlarni hamkorlikda olib borish, yuqori indekslanadigan jurnallarda maqolalar e’lon qilishdan iborat.
Anjumanda psixologiyaning turli sohalarida tajriba almashishning an’anaviy formatidan tashqari, O‘zbekistonda psixologiya fanining rivojlanish metodologiyasi, uslubiy yondashuvlar, taniqli olimlarning ijodiy merosini o‘rganish, psixologiya fanining hozirgi holatini muhokama qilish rejalashtirilgan.
Konferensiya doirasida Vladimor Kazlov Samarqand davlat universiteti rektori Rustam Xolmurodovga Xalqaro psixologiya fanlari akademiyasining Faxriy akademigi diplomini topshirdi, deya xabar bermoqda universitet axborot xizmati.
