"Samarqand-Qarshi" yo‘nalishida harakatlangan avtomashinada 1400 quti pirotexnika vositalari aniqlandi

Joriy yilning 2 dekabr kuni soat 20:30 larda Qashqadaryo viloyati Chiroqchi tumani hududida joylashgan “Umakay” muntazam YPX maskanida xizmat olib borgan viloyat IIB YHXB YPX xodimlari tomonidan "Samarqand-Qarshi" yo‘nalishida harakatlanib kelgan, haydovchi Sh.X. boshqaruvidagi "Neksiya-3" rusumli avtomobil to‘xtatilib tekshirilganda, salon qismi va yukxonasida 1400 quti (har bir qutida 60 donadan) “Treniya” nomli pirotexnika vositalari olib ketilayotganligi ma’lum bo‘lgan.

Holat yuzasidan xolislar ishtirokida tegishli hujjatlar rasmiylashtirilib, haydovchi va aniqlangan mahsulotlar chora ko‘rish uchun tuman IIBga topshirilgan.

Bu haqda Qashqadaryo viloyati IIB YHXB axborot xizmati xabar berdi.