Samarqandda "Family Park" innovatsion bog‘i qurilmoqda
Sayyohlik salohiyatini ommalashtirish maqsadida Samarqand shahridagi Narpay ko‘chasida "Family Park" innovatsion bog‘i barpo etish ishlari amalga oshirilmoqda.
Park hududida muz saroyi, ko‘p funksional savdo-ko‘ngilochar, oilaviy dam olish va sport-sog‘lomlashtirish majmuasi, okeanarium faoliyat yuritishi rejalashtirilgan.
Loyihaning umumiy qiymati 57,0 milliard so‘mni tashkil etadi. Innovatsion bog‘ning ish boshlashi 150 dan ortiq yangi ish o‘rni yaratish imkonini beradi. Loyiha bo‘yicha ishlar 2021 yilda yakunlanishi belgilangan.
Ushbu “Oilaviy park” nafaqat mahalliy aholi, balki shaharga kelayotgan xorijlik sayyohlar uchun ham ko‘ngilochar dam olish maskaniga aylanadi.
Samarqand viloyati turizmni rivojlantirish departamenti matbuot xizmati.
