Samarqandda Fransiyaning “Semmaris” kompaniyasi bilan agrologistika majmuasi qurilishi ko‘zda tutilmoqda
O‘zbekiston Respublikasi Prezidenti Shavkat Mirziyoyev O‘zbekiston-Fransiya biznes forumi doirasida “Semmaris” kompaniyasi raisi Stefan Layani bilan uchrashdi.
Kompaniya yillik aylanmasi 9 milliard yevro bo‘lgan dunyodagi eng katta oziq-ovqat logistika markazining egasidir. Butun jahon bo‘ylab samarali ulgurji oziq-ovqat bozorlarini qurish va boshqarishda ilg‘or tajriba to‘plagan.
Prezident Mirziyoyev kompaniyaning Samarqand, Andijon va Toshkent viloyatlarida agrologistika majmualarini qurish borasidagi rejalarini qo‘llab-quvvatladi.
